Молитва о спасении многострадальнаго православнаго народа Сербскаго
Владыко Вседержителю, приими смиренное моление наше о православном роде Сербском.
Молим Тя, Многомилостиве, о толико страждущих ныне православных братиях наших, ихже яко алтарь заповедный, священное поле Косово насильнически жаждут отъяти изгнавшии потомственных сербских насельников края сего, обидчики жен их и дев, убийцы, не щадящии и младенцев.
Воспоминая же вся благая, яже даша нам и отцем нашим, избегшим некогда мук и смерти от безбожных, братиями же нашими сербами приятым во отечество их, молим Тя, Всеблагий, воздаждь им в сей жизни временней защиту Твою от напавших на них, в вечной же жизни спасение и радость вечную; молитвами Пречистыя Владычицы Богородицы, Первопрестольника же сербскаго, Святителя Саввы, и всех Святых славянских и вселенских.
Спаси, Господи, люди Твоя, вся бо возможно Тебе, и Тебе, яко Всесильну, благодарение и славу мы вси возсылаем: Отцу и Сыну и Святому Духу, во Святей Троице Единому Богу, ныне и присно и во веки веков. Аминь
